კომპანიამ Lego დენი ვილნევი ფილმის - „დიუნისადმი“ მიძღვნილი პირველი ნაკრები დააანონსა. ინფორმაცია კომპანიის ვებგვერდზე გამოქვეყნდა.

კომპლექტი Dune Atreides Royal Ornithopter („დიუნი - ატრეიდესის სამეფო ორნიტოპტერი“) 1 369 დეტალისგან შედგება. მისი მთავარი კომპონენტი ორნიტოპტერია - ატრეიდესების იმპერიაში ყველაზე ფართოდ გავრცელებული სატრანსპორტო საშუალება.

საჰაერო ხომალდს მოძრავი ფრთები და გამოსაწევი შასი აქვს. მოდელი სიმაღლე 23 სანტიმეტრია, სიგრძე 57, სიგანე კი 79.

ნაკრებში ასევე 8 პერსონაჟის ფიგურაა - პოლ და ლეტო ატრეიდესების, ჩანის, ლედი ჯესიკას, გერნი ჰალეკის, ლიეტ-კაინზის, დუნკან აიდაჰოს და ბარონ ვლადიმირ ჰარკონენის.

ნაკრების ყიდვა 2024 წლის 1-ელი თებერვლიდან გახდება შესაძლებელი. მისი ღირებულება 164,99 დოლარს შეადგენს.