აშშ-ის სახელმწიფო დეპარტამენტის მიერ 4 ქართველი მოსამართლის სანქცირებას ე.წ. მოლოტოვის კოქტეილის საქმეზე დაკავებული ლაზარე გრიგორიადისის მამა სოციალურ ქსელში ეხმიანება.

ბექა გრიგორიადისი ფიქრობს, რომ მოსამართლეების დასანქცირებაში მნიშვნელოვანი როლი ლაზარეს დაკავებამაც შეასრულა:

„ძალიან მაგარი ამბავია მოსამართლეების დასანქცირება, რატომღაც მგონია, აწი შეგეშინდებათ მოსამართლეებს, რომ მიკერძოებული მოსამართლეები იყოთ, ამით იმედს ვიქონიებ, ლაზარეს სასამართლო რეალურად სამართლიანი პროცესი იქნება, თავისუფლება ლაზარეს..

მე დარწმუნებული ვარ, ლაზარეს დაკავება გახდა ჯაჭვის ერთ-ერთი უმთავრესი რგოლი, რომელმაც გამოიწვია მოსამართლეების სანქცირება, ლაზა, მამი შენ მალე თავისუფალი იქნები ცოტაც გაუძელი“, – წერს ბექა გრიგორიადისი სოციალურ ქსელში.