ლატვიის განათლებისა და მეცნიერების სამინისტრო გეგმავს 2026/2027 სასწავლო წლიდან სკოლის მოსწავლეებს მეორე უცხო ენად რუსულის არჩევა აუკრძალოს.

პორტალ Delfi-ს ცნობით, გეგმის მიხედვით, მეორე უცხო ენა ქვეყნის ყველა საგანმანათლებლო დაწესებულებაში შეიძლება იყოს ევროკავშირის მხოლოდ ერთ-ერთი ოფიციალური ენა.

დღემდე, ლატვიის სკოლებში პირველი უცხო ენა პირველი კლასიდან ისწავლება და ხშირ შემთხვევებში ის, ინგლისურია.

მეორე უცხოური ენის სწავლება მეოთხე კლასიდან იწყება და მისი არჩევანი ჯერ კიდევ არ არის რეგულირებული კანონით. მეტიც, 2021 წელს ჩატარებული გამოკითხვის თანახმად, ლატვიის სკოლებში მეორე უცხო ენად მხოლოდ რუსულს სთავაზობენ.