„საქართველოს რკინიგზის“ გენერალური დირექტორი ლაშა აბაშიძე გარდაბნის სასაზღვრო სადგურის თანამშრომლებს შეხვდა და სატვირთო მატარებლების ვაგონების დახარისხების პროცესს დაესწრო.

„გარდაბნის სასაზღვრო სადგური ერთ-ერთი საკვანძო სადგურია საქართველოს რკინიგზისთვის, ამიტომ მისი გამართული და ოპერატიული მუშაობა არსებითად მნიშვნელოვანია კომპანიისთვის. კიდევ ერთხელ დეტალურად გავეცანი აქ მიმდინარე ტექნიკურ პროცესებს, ვესაუბრე თანამშრომლებს. ვგეგმავთ პროცესების გამარტივებას, რომ სადგურის მუშაობა მეტად ეფექტური გახდეს” – აღნიშნა ლაშა აბაშიძემ.