ლამინ იამალის გამო, ესპანეთის ფეხბურთის ასოციაციას (RFEF) კიოლნის რაიონის მთავრობა ჯარიმით ემუქრება.

მიზეზი ისაა, რომ 16 წლის ბავშვმა საქართველოსთან 23:00 საათის შემდეგ ითამაშა.

გერმანიაში ახალგაზრდების დასაქმების დაცვის კანონის მე-14 მუხლი კი, რომელიც  15-დან 18 წლამდე თინეიჯერებზე ვრცელდება, კრძალავს ამ პერიოდში მუშაობას. ეს რეგულაცია ეხება ყველას, ვისაც აქვს პროფესიული საქმიანობა გერმანიაში (ამაში ასევე შედის ეროვნული მოთამაშის საერთაშორისო მატჩი). მის ეროვნებას არ აქვს მნიშვნელობა.

ამდენად, ესპანეთის ვარსკვლავის ლამინ იამალის გამო ესპანეთის ნაკრებს სავარაუდოდ  30 000 ევროს ჯარიმის გადახდა მოუწევს.