ლაბუბუს „ვირუსული თოჯინების“ შემქმნელი ვანგ ნინგი მსოფლიოს 100 უმდიდრესი ადამიანის სიაში შევიდა. ის Bloomberg-ის რეიტინგში 85-ე ადგილზეა.

ჩინური სათამაშოების მწარმოებელი Pop Mart-ის აქციები წელს თითქმის 250%-ით გაიზარდა Labubu-ს გარშემო ატეხილი აჟიოტაჟის ფონზე. შედეგად, კომპანიის აღმასრულებელი დირექტორის, ვანგ ნინგის ქონება 20 მილიარდი დოლარით, ანუ თითქმის სამჯერ გაიზარდა. სამშაბათს, 26 აგვისტოს, ვაჭრობის დასრულებისას მისი ქონება 27,5 მილიარდ დოლარს შეადგენდა.

აღნიშნულია, რომ მას Pop Mart-ის აქციების თითქმის 50% ეკუთვნის. Bloomberg-ის სიაში მან Dell-ის დამფუძნებელს მაიკლ დელს, Amazon-ის დამფუძნებელს ჯეფ ბეზოსს, ასევე მსოფლიოში ერთ-ერთ უდიდეს და ყველაზე ცნობილ ინვესტორს, უორენ ბაფეტს გაუსწრო.