„ბარსელონას“ ნიდერლანდელი ნახევარმცველი ფრენკი დე იონგი 2024-25 წლების ლა ლიგაში ყველაზე მაღალანაზღაურებადი ფეხბურთელი იქნება.

გამოცემა Capology-ის მონაცემებით, დე იონგის ხელფასი გადასახადების გადახდამდე 37.5 მილიონ ევროს შეადგენს. მეორე ადგილზე ასევე „ბარსელონას“ ფეხბურთელია – რობერტ ლევანდოვსკი 33.33 მილიონი ევროთი. და მხოლოდ მესამეა „რეალის“ ახალწვეული კილიან მბაპე – 31.25 მილიონი.

რეიტინგში არ არის მითითებული ბონუსები, რომლის წყალობითაც ფეხბურთელების ხელფასები შეიძლება გაიზარდოს. ცნობილია, რომ ყველაზე დიდი ბონუსები მბაპეს კონტრაქტშია მითითებული, რითაც მისი წლიური ხელფასი, შესაძლოა, 64.8 მილიონ ევრომდე ავიდეს. ამ ბონუსების გააქტიურებას ის სხვადასხვა მიღწევით შეძლებს.