კვლავ ხმაურია ბორჯომში, სადაც ერთ-ერთ სასტუმროში, “გირჩი - მეტი თავისუფლების" ორგანიზებით, ღონისძიება მიმდინარეობს.

მობილიზებულმა ჯგუფის წევრებმა სასტუმროს ქვები დაუშინეს.

სასტუმროში “გირჩი - მეტი თავისუფლების” წარმომადგენლების და ლექციისთვის შეკრებილი ახალგაზრდების გარდა, სხვა დამსვენებლებიც იმყოფებიან.

გავრცელებული ინფორმაციით, გაურკვეველი ჯგუფის წევრები ადგილზე მყოფებს შეურაცხმყოფელი სიტყვებით მიმართავენ და მათ მიმართ აგრესიულად არიან განწყობილნი.

დღეს გორის “სმარტთან” “გირჩი - მეტი თავისუფლების" ლიდერს ზურაბ ჯაფარიძეს თავს დაესხნენ - ჯაფარიძეს დაზიანება თვალის არეში აქვს მიყენებული.