სერია A-ს 23-ე ტურში გათამაშების ლიდერი "ნაპოლი" "სასუოლოს" ესტუმრა და 2:0 გაიმარჯვა.

შეხვედრაში ანგარიში ხვიჩა კვარაცხელიამ გახსნა, მან მე-12 წუთზე შედევრი შემოგვთავაზა და მიმდინარე ჩემპიონატში მე-10 გოლი გაიტანა.

ცნობილი პორტალის Sofascore-ის ვერსიით, მატჩის საუკეთესო მოთამაშე 8.3 ქულით სწორედ 22 წლის ქართველი გარემარბი გახდა. მეორე საუკეთესო შეფასება კი "პარტენოპეის" ცენტრალურმა მცველმა ამირ რაჰმანიმ (8.1 ქულა) დაიმსახურა.

"ნაპოლი" 62 ქულით სერია A-ს ლიდერია. სპალეტის გუნდი 22 თებერვალს ჩემპიონთა ლიგის პირველ 1/8-ფინალურ მატჩში ფრანკფურტში "აინტრახტს" დაუპირისპირდება.