კულტურის სამინისტროსა და შემოქმედებითი საქართველოს მხარდაჭერით, 4 ნოემბერს 19:00 საათზე, რუსთაველის ეროვნული თეატრის ექსპერიმენტულ სცენაზე გაიმართება სახალხო არტისტის ლეილა ძიგაშვილი 100 წლის იუბილისადმი მიძღვნილი ღონისძიება.

ქალბატონი ლეილა თეატრალური ინსტიტუტი დამთავრების შემდეგ  მუშაობდა  მსახიობად სოხუმის თეატრში, შემდეგ თბილისის მოზარდ მაყურებელთა თეატრში,  ხოლო 1966 წლიდან  შოთა რუსთაველის სახელობის  თეატრში.   ნათამაშები აქვს   30 ზე მეტ სპექტაკლში.   მოზარდ მაყურებელთა ქართულ თეატრში- ტურანდოტი (ფ. 

შილერის „პრინცესა ტურანდოტი’’), ჯუდიტ ანდერსონი (ბ. შოუს „ეშმაკის მოწაფე’’) და სხვა.     შოთა რუსთაველის სახელობის თეატრში: - სამძივარა (კ. გამსახურდიას „ხოგაის მინდია’’), დედამთილი (ბ. ბრეხტის „კავკასიური ცარცის წრე’’), ენონა (ჟ. რასინის „ფედრა’’) და სხვა.  გადაღებულია 15 ზე მეტ მხატვრულ ფილმში: „მოიტაცეს თამარ ქალი“ (თამრიკოს დედა), „ჩირიკი და ჩიკოტელა“ (შოშმანა), „ნატვრის ხე“, ვირთხა და სხვა.  .  

გამოირჩეოდა გარდასახვის დიდი ნიჭით, უბადლო შესრულების უნარით, რის გამოც იგი მაყურებელში უდიდესი პოპულარობით სარგებლობდა.  

ხავერდოვანი ხმის გამო, ლეილა ძიგრაშვილი მხატვრული კითხვის დიდოსტატად ითვლებოდა. იგი სტუდია ,,ქართულ ფილმში,, მუშაობდა გამხმოვანებლად . მისი ხმით მეტყველებენ არიადნა შენგელაია  ფილმში   „შერეკილები“,   მედეა ჯაფარიძე   ფილმში    „წარსული  ზაფხული”, სოფიკო ჭიაურელი ფილმში „ჩვენი ეზო“.)

საღამოზე გაიხსენებენ ქალბატონ ლეილა ძიგრაშვილის  უნიკალურ , დახვეწილი არტისტიზმით შესრულებულ როლებს,   მაყურებელი გაიგებს ლეილას  შესახებ ბევრ ისეთ ამბებს, რომელიც აქამდე მოსმენილი არ ქონდათ.  ღონისძიება  განსაკუთრებულად საინტერესო და მნიშვნელოვანი იქნება მომავალი თაობისათვის. 

ღონისძიების ავტორი, რეჟისორი და წამყვანია - ნიკოლოზ წულუკიძე,   მონაწილეობენ  მსახიობები- მურმან ჯინორია, ნანა  ფაჩუაშვილი,  მარინა კახიანი, ნანული სარაჯიშვილი, დავით უფლისაშვილი, დავით კვირცხალია, მანანა გამცემლიძე, თათული დოლიძე...   საღამო დატვირთული იქნება მუსიკით , სიმღერითა  და  ვიდეო მასალით.