კულებას თქმით, ეს მტკიცებულებები საერთაშორისო სასამართლოებში იქნება გამოყენებული, რათა ამ სისასტიკის ჩამდენები აუცილებლად დაისაჯონ.

„ჩვენ ჯერ კიდევ ვაგროვებთ და ვეძებთ გვამებს, დაღუპულთა რიცხვი უკვე ასობითს გადასცდა. გვამები ქუჩაში ყრია. მათ ჩვენი მშვიდობიანი მოქალაქეები მოკლეს ამ სოფლებში. თუ მანამდე ვამბობდი, რომ ყველაფერს გავაკეთებდი, რათა სამხედრო დამნაშავეები დასჯილიყვნენ, ახლა დარწმუნებული ვარ, რომ ეს ჩემი ცხოვრების საქმე იქნება, რომელსაც უკანასკნელ ამოსუნთქვამდე გავაკეთებ. იქამდე, ვიდრე ისინი პასუხს არ აგებენ“, – განაცხადა კულებამ.

უკრაინის საგარეო საქმეთა მინისტრის თქმით, ასეთი რამის წარმოდგენა 21-ე საუკუნეში შეუძლებელი იყო, თუმცა ის უკრაინაში ხდება. კულებას თქმით, რუსეთი უკვე ტერორისტულ ორგანიზაცია „აისისზე“ უარესია.