გერმანიის ნაკრებისა და „რეალის“ ყოფილმა ნახევარმცველმა ტონი კროოსმა გააკრიტიკა კლუბებს შორის მსოფლიო ჩემპიონატის ახალი ფორმატი. 2025 წლიდან ტურნირში მონაწილეობას 32 გუნდი მიიღებს.

„მე ამ ჩემპიონატს ინტერესით არ მივადევნებ თვალს. საფეხბურთო ხელმძღვანელებს რაღაც მომენტში მოუწევთ გამოღვიძება და უფრო მეტი ფიქრი ფეხბურთელებზე და ნაკლები – ფულზე.

ასეთი ტურნირის ჩატარება – უბრალოდ, უპასუხისმგებლობაა. ეს ცუდი მსოფლიო ჩემპიონატი იქნება. რაღაც მომენტში ფეხბურთელები ვეღარ გაუძლებენ“, – განაცხადა გერმანელმა პოდკასტ Einfach mal Luppen-ის ეთერში.