შინაგან საქმეთა მინისტრმა პოლიციის დღის აღსანიშნავი ღონისძიების დასრულების შემდეგ ქვეყანაში კრიმინოგენული მდგომარეობის შესახებ ისაუბრა. ჟურნალისტების კითხვის საპასუხოდ, ვახტანგ გომელაური აცხადებს, რომ სტატისტიკური მონაცემები კრიმინალური თვალსაზრისით შემცირებულია.

"სტატისტიკა დაწეულია და ყველაფერი არის მშვიდობიანად. მართლა გეუბნებით, 2-3 ფაქტი მოხდა. მოხდა დანაშაული, მკვლელობაც მოხდება, ხვალაც მოხდება, ღმერთმა ქნას, რომ არ მოხდეს. თუმცა, დაკლებულია და როგორ გაიზარდა?! არ გაზრდილა. დღეს საქართველო ერთ-ერთი უსაფრთხო ქვეყანაა ჩვენს ახლო სამეზობლოში და არანაკლებ ევროპასთან," - აცხადებს ვახტანგ გომელაური.