რუსეთი ნატოს "მკაფიო და უმკაცრესი" რეაგირებით ემუქრება, თუ უკრაინა ალიანსში გაწევრიანდება. 

„თქვენ იცით რუსეთის ფედერაციის აბსოლუტურად მკაფიო და თანმიმდევრული პოზიცია - ნატოში უკრაინის გაწევრიანება ძალიან უარყოფითად იმოქმედებს ევროპაში უკვე ისედაც ნახევრადდანგრეული უსაფრთხოების არქიტექტურაზე. ეს იქნება აბსოლუტური საფრთხე ჩვენი ქვეყნისთვის, რაც ჩვენგან მკაფიო და მტკიცე რეაქციას მოითხოვს,“ - განაცხადა კრემლის პრესპიკერმა დიმიტრი პესკოვმა.

ხვალ კი ნატო ლიეტუვის დედაქალაქ ვილნიუსში სამიტს გამართავს, რომელიც მიზნად ისახავს უკრაინის მიმართ სოლიდარობის გამოხატვას.