კოსტავა და გამსახურდია რომ გააცოცხლო და „ნაცმოძრაობაში“ მიიყვანო, არაფერი არ გამოუვათ - არასოდეს და მართალიც იქნება ქართველი ხალხი - ამის შესახებ პარტია „ახალის“ ლიდერმა ნიკა მელიამ განაცხადა.

ჟურნალისტის კითხვაზე, მელია-გვარამიას პარტია აჯობებს შედეგით მიხეილ სააკაშვილის პარტიას? ნიკა მელიამ უპასუხა: „ხალხის პარტია აჯობებს და არა მერაბიშვილ-კეზერაშვილის“.

„პირდაპირ გეუბნებით, სააკაშვილი კი არა, 5 სააკაშვილიც რომ იყოს იქ, სადაც მერაბიშვილ-კეზერაშვილია, არაფერი არავის არ გამოუვა - არასოდეს. მერაბ კოსტავა და ზვიად გამსახურდია რომ გააცოცხლო ახლა და „ნაცმოძრაობაში“ მიიყვანო, არაფერი არ გამოუვათ არასოდეს და მართალიც იქნება ქართველი ხალხი, არაფერს არ გამოაყვანინებს, ეს არის სიმართლე“, - აცხადებს ნიკა მელია.