CNN-ის ინფორმაციით, აშშ-ის პრეზიდენტმა დონალდ ტრამპმა, კონგრესში სიტყვით გამოსვლისას, ექს-პრეზიდენტი ჯო ბაიდენი 12-ჯერ ახსენა.

ტრამპის მიერ ჯო ბაიდენის მიმართ გაჟღერებული შენიშვნების დიდი ნაწილი იმიგრაციას ეხებოდა. 

„შედარებისთვის, ამერიკის ისტორიაში ყველაზე ცუდი პრეზიდენტის ჯო ბაიდენის დროს, აშშ-ის საზღვარი მიგრანტებმა ასობით ათასჯერ გადაკვეთეს“, - თქვა ტრამპმა.

ტრამპმა ბაიდენი ასევე კრიტიკულად მოიხსენია სხვადასხვა თემებთან დაკავშირებით, მათ შორის გარემოს დაცვაზე, ინფლაციაზე, დასაქმებაზე, ,,ჩიპების’’ აქტზე, ელექტროსადგურებზე, ფერმერებსა და უკრაინისთვის აშშ-ის მიერ გაწეულ დახმარებაზე.