კონგოს დემოკრატიულ რესპუბლიკაში წყალდიდობას 17 ადამიანი ემსხვერპლა, მათ შორის, 7 ქალი, 7 მამაკაცი და 3 ბავშვი.

სტიქიური უბედურება, 17 სექტემბერს, ღამით, მდინარე კონგოს სანაპიროსთან, მონგალას პროვინციის დედაქალაქ ლისალაში მოხდა.

BBC-ის ინფორმაციით, გარდაცვლილები მორგში ადგილის უქონლობის გამო იმავე დღეს დაკრძალეს. თვითმხილველების თქმით, წყალდიდობის შედეგად სახლები დაინგრა, მოსახლეობა კი ნანგრევებიდან ხალხის გამოყვანას ცდილობდა.

მონგალას გუბერნატორმა სეზარ ლიმბაიამ გარდაცვლილთა ოჯახებს მიუსამძიმრა. სეზარ ლიმბაიამ ქვეყანაში სამდღიანი გლოვა გამოაცხადა.