პრემიერ-მინისტრი ირაკლი კობახიძე, ქუთაისის აკაკი წერეთლის სახელობის სახელმწიფო უნივერსიტეტში, კურსდამთავრებულთა სტაჟირების პროგრამასთან დაკავშირებით, რეგიონული სახელმწიფო უნივერსიტეტების სტუდენტებს ხვდება. შეხვედრაში მონაწილებს განათლებისა და მეცნიერების მინისტრი გიორგი ამილახვარი.

მთავრობა მხოლოდ სახელმწიფო სექტორში 3 ათასზე მეტ სტუდენტს 4-თვიან ანაზღაურებად სტაჟირებას შესთავაზებს. სტუდენტების სტაჟირების შესახებ მოლაპარაკება კერძო სექტორთანაც მიმდინარეობს. წინასწარი ინფორმაციით, შერჩევის პროცესი დაიწყება ივლისში და სექტემბრამდე გასტანს. პროგრამა პირველი სექტემბრიდან დაიწყება და წლის ბოლომდე გაგრძელდება.

პრემიერი და განათლების მინისტრი ახლა სტუდენტებთან ერთად მსჯელობენ, თუ რა კრიტერიუმების საფუძველზე შეირჩევიან სტუდენტები სტაჟირებისთვის.