„ლივერპულის“ მთავარმა მწვრთნელმა იურგენ კლოპმა, შესაძლოა, სეზონის დასრულების შემდეგ დატოვოს მერსისაიდული კლუბი და „ბარსელონას“ ჩაუდგეს სათავეში.

გამოცემა Nacional-ის ინფორმაციით, გერმანელ სპეციალისტს ხშირად აქვს კონტაქტი „ბარსელონას“ პრეზიდენტთან ჟოან ლაპორტასთან. ჩავი, შესაძლოა, დაითხოვონ კატალონური გრანდის მთავარი მწვრთნელის პოსტიდან, კლოპს კი აქვს მწვრთნელის რეპუტაცია, რომელსაც ბრწყინვალედ გამოსდის კრიზისული გუნდების გარდაქმნა.

იურგენ კლოპი 2015 წლიდან მუშაობს „ლივერპულში“ და დაეხმარა გუნდს 1990 წლის შემდეგ პირველი ჩემპიონობის მოპოვებაში, ასევე გუნდი მიიყვანა ჩემპიონთა ლიგაში გამარჯვებამდე. მისი მოქმედი კონტრაქტი „ლივერპულთან“ 2026 წლის ზაფხულამდეა ძალაში.