04/08/2022
16:11
პოლიტიკა
კითხვების დასმის მონათვლა თავდასხმად, არის აბსოლუტურად არარელევანტური, – ამის შესახებ „ქართული ოცნების“ თავმჯდომარემ, ირაკლი კობახიძემ ოპოზიციის წარმომადგენლების ერთობლივ განცხადებაზე საუბრისას აღნიშნა.
მისი თქმით, რეალურად, საზოგადოებას ახსოვს ერთადერთი, ვინც ესხმოდა თავს, ამერიკის ელჩს, ევროკავშირის ელჩს.
„გახსოვთ ცნობილი გამონათქვამები ნიკანორ მელიას და ნიკა გვარამიას შესრულებით, ეს იყო ნამდვილი თავდასხმა. ჩვენს შემთხვევაში არის მარტივი რამ, კითხვები არის დასმული გარკვეულ თემებთან დაკავშირებით და ეს არის ის კითხვები, რაზეც არსებობს საზოგადოებრივი ინტერესი. კითხვების დასმის მონათვლა თავდასხმად, არის აბსოლუტურად არარელევანტური. ეს მათაც კარგად იციან, ეს არის ერთგვარი კამპანია, თუმცა ეს კამპანია სრული წარუმატებლობისთვისაა განწირული“, – განაცხადა ირაკლი კობახიძემ.
48 ოპოზიციონერმა დეპუტატმა განცხადება დღეს გაავრცელა, რომლითაც მიმართავენ „ქართულ ოცნებას“, დაუყოვნებლივ შეწყვიტოს აშშ-ისა და ევროკავშირის წინააღმდეგ ცილისმწამებლური, დეზინფორმაციული კამპანია.48 ოპოზიციონერი დეპუტატის განცხადება: მივმართავთ „ქართულ ოცნებას“, დაუყოვნებლივ შეწყვიტოს აშშ-ისა და ევროკავშირის წინააღმდეგ ცილისმწამებლური, დეზინფორმაციული კამპანია
0
0
.png)
.jpg)
