ეს კითხვა ალბათ უნდა მიემართოს უკრაინის მთავრობას და პრეზიდენტ ზელენსკის, – ამის შესახებ საქართველოში აშშ-ის ელჩმა კელი დეგნანმა განაცხადა, რომელსაც ჟურნალისტებმა კითხვა დაუსვეს ივანიშვილის გარემოცვისთვის სანქციების დაწესებაზე.

რაც შეეხება კითხვას, აპირებს თუ არა აშშ, შეუერთდეს სანქციებს, კელი დეგნანის თქმით, აშშ რაიმე სანქციებს როცა აწესებს, ეს ქვეყნდება ვებგვერდზე და წინასწარ არ ხდება ამის განხილვა.

„რაც შეეხება აშშ-ს, როდესაც ჩვენ რაიმე სანქციებს ვაწესებთ, ეს ცხადდება საჯაროდ, ქვეყნდება ვებგვერდზე და წინასწარ არ ხდება ამის განხილვა“, – აღნიშნა კელი დეგნანმა.

უკრაინის პრეზიდენტ ვოლოდიმირ ზელენსკის განკარგულებით, საქართველოს ოთხ მოქალაქეს სანქციები დაუწესდა.