აშშ-ის პრეზიდენტმა დონალდ ტრამპმა Fox News-თან ინტერვიუში განაცხადა, რომ ის ჩრდილოეთ კორეის ლიდერთან კიმ ჩენ ინთან კომუნიკაციას აპირებს. 

„მე მასთან [კიმთან] კარგი ურთიერთობა მქონდა. ის ფანატიკოსი მორწმუნე არ არის... ჭკვიანი კაცია,’’ - თქვა ტრამპმა.
როგორც ცნობილია, კიმ ჩენ ინი და დონალდ ტრამპი უკანასკნელად 2019 წელს შეხვდნენ ერთმანეთს ჩრდილოეთ კორეასა და სამხრეთ კორეას შორის დემილიტარიზებულ ზონაში. მმართველობის პირველი ვადის განმავლობაში, დონალდ ტრამპი სამჯერ შეხვდა ჩრდილოეთ კორეის ლიდერს - ის ასევე აშშ-ის პირველი პრეზიდენტია, რომელიც ჩრდილოეთ კორეაში ჩავიდა.