უკრაინის დედაქალაქ კიევში რუსული ძალების მიერ განხორციელებული სარაკეტო თავდასხმის შედეგად ერთი ადამიანი დაიღუპა, შვიდი კი - დაშავდა, - ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს.

კლიჩკოს განცხადებით, თავდასხმები განხორციელდა სოლომიანსკის, პეჩერსკის და ჰოლოსიევსკის რაიონებში, დედაქალაქის ცენტრალურ და დასავლეთ ნაწილებში.

ამასთან, უკრაინული მედიის ინფორმაციით, სარაკეტო თავდასხმები განხორციელდა ხარკოვის ოლქში, ქალაქებში ხმელნიცკსა და ზაპოროჟიეში.