ინფორმაციას უკრაინული მედია ავრცელებს.

გავრცელებულ ინფორმაციაში აღნიშნულია, რომ რაკეტის ნამსხვრევები კიევში, კურენივის რაიონში ჩამოვარდა.

შემთხვევის შედეგად დაშავებული 7 ადამიანიდან, 1 ადგილზევე გარდაიცვალა.

კიევის მერი ვიტალი კლიჩკო ადასტურებს, რომ მან დაინახა რაკეტის ჩამოგდების პროცესი. კლიჩკომ თქვა, რომ რაკეტის ნამსხვრევები გზაზე დაეცა. დაიღუპა ერთი და დაშავდა ექვსი ადამიანი. სასწრაფო დახმარების ბრიგადამ ორი დაჭრილი გადაიყვანა.

ადგილზე მყოფი ტროლეიბუსი, რომელიც მგზავრების გარეშე იყო, მთლიანად განადგურდა. დაზიანდა მიმდებარე სახლების აივნები და კომერციული ფართები პირველ სართულებზე.