რუსეთის პრეზიდენტმა ვლადიმერ პუტინმა მოსკოვზე, უპილოტო საფრენი აპარატების დღევანდელ თავდასხმას “შურისძიება” უწოდა.

პუტინი მიიჩნევს, რომ ამით უკრაინა მხოლოდ "პროვოცირებს".

"საპასუხოდ, როგორც მოგეხსენებათ, კიევის რეჟიმმა აირჩია რუსეთის მოქალაქეების დაშინების და საცხოვრებელ შენობებზე დარტყმის გზა. ეს, რა თქმა უნდა, ტერორისტული აქტივობის აშკარა ნიშანია", - ამბობს პუტინი

შეგახსენებთ, რომ დღეს დილით მოსკოვზე უპილოტო საჰაერო დრონებით თავდასხმა მოხდა. რუსეთის თავდაცვის სამინისტროს მონაცემებით, რუსეთის დედაქალაქს თავს 8 დრონით დაესხნენ და ხუთი მათგანი ჩამოაგდეს, სამი მათგანი კი ელექტრონული საშუალებების გამოყენებით გააუნებელყვეს.  

ფაქტზე გამოძიება რუსეთის საგამოძიებო კომიტეტმა ტერორიზმის მუხლით დაიწყო.