კიევის შევჩენკოვსკის რაიონში აფეთქებები მოხდა. ამის შესახებ ქალაქის მერმა ვიტალი კლიჩკომ განაცხადა. მისი თქმით, კიევის რეგიონის თავზე საჰაერო თავდაცვამ ათი ირანული კამიკაძე დრონი ჩამოაგდო.

ოთხშაბათს დილით, უკრაინის სამ რეგიონში - კიევში, ჟიტომირსა და ვინიცაში საჰაერო განგაში გამოცხადდა.

რეგიონის გუბერნატორმა ალექსეი კულებამ დაადასტურა კიევის რეგიონზე თავდასხმა და განაცხადა, რომ რაკეტების უმეტესობა ჩამოგდებულია. 

მისი თქმით, რუსეთი განაგრძობს უკრაინის ენერგეტიკულ ტერორს. კულებამ მოსახლეობას თავშესაფრებში დარჩენისკენ მოუწოდა.

სამხედრო ადმინისტრაციამ განაცხადა, რომ თვითმფრინავის ფრაგმენტმა შევჩენკოს რაიონში ორი ადმინისტრაციული შენობა დააზიანა. დაზუსტებულია ინფორმაცია დაშავებულების შესახებ.