ჩვენთვის მნიშვნელოვანია ამერიკულ მხარესთან თანამშრომლობის გაგრძელება, მეტიც, გაღრმავებაც, - ამის შესახებ ირაკლი კობახიძემ სამტრედიაში ჟურნალისტებთან საუბრისას განაცხადა. პრემიერ-მინისტრმა მადლობა გადაუხადა აშშ-ის ელჩს საქართველოში, რობინ დანიგანს, რომელიც მისი თქმით კონსტრუქციულად და დადებითად არის განწყობილი.

„კიდევ ერთხელ მინდა გამოვხატო პატივისცემა მოქმედი ელჩის მიმართ. წინა ელჩებისგან განსხვავებით, მოქმედი ელჩი მთელი ამ თვეების განმავლობაში კონსტრუქციულად და დადებითად იყო განწყობილი. მინდა გამოვთქვა იმედი, რომ მისი პირადი წვლილიც იქნება შეტანილი ქართულ-ამერიკული ურთიერთობების გაჯანსაღებაში. ყველანაირად ვარ მზად ამისთვის. მთავარია, ვიხილოთ შემხვედრი ნაბიჯები“, - განაცხადა პრემიერმა.