ვატიკანში, რომის პაპმა ლეონ XIV-მ კათოლიკე სოციალური მედიის ინფლუენსერებისთვის ჩატარებულ პირველ წირვაზე განაცხადა, რომ ონლაინ სივრცეში ადამიანის ღირსების დაცვაა საჭირო, რადგან მსოფლიო ხელოვნური ინტელექტის (AI) „გამოწვევის“ წინაშე დგას.

„არაფერი, რაც ადამიანიდან და მისი შემოქმედებითობიდან მოდის, გამოყენებული უნდა იყოს არა სხვების ღირსების შელახვისთვის, არამედ - მთელი კაცობრიობის საკეთილდღეოდ. მოვუწოდებ მსოფლიოს, რომ დაიცვას ჩვენი მოსმენისა და კომუნიკაციის წესი ამ ახალ ეპოქაში. ასევე მივმართავ სოციალური მედიის ინფლუენსერებს, რომ თავიანთი კონტენტი გამოიყენონ იმ ადამიანებთან დასაკავშირებლად, რომლებიც იტანჯებიან და უფლის შესახებ ინფორმაციის მიღება სჭირდებათ. იყავით ერთიანობის მაცნეები, რომლებსაც შეუძლიათ დაძლიონ განხეთქილება, პოლარიზაცია, ეგოიზმი და ეგოცენტრიზმი.

ხელოვნური ინტელექტის განვითარება და სხვა მიღწევები ნიშნავს, რომ აუცილებელია ეკლესიის გათვალისწინება ადამიანის ღირსებისა და სამართლიანობის დასაცავად“, - განაცხადა პაპმა წმინდა პეტრეს ბაზილიკაში.