თბილისის მერის, კახა კალაძის პირველი კომენტარი ვაკის პარკში მომხდარ შემზარავ ფაქტზე, სადაც ახლად გახსნილ შადრევანში, სავარაუდოდ, მოზარდებს დენმა დაარტყა.

„არ ვიცი, მოვიკითხავ, ცხადია ყველაფერი უნდა იყოს გათვალისწინებული და მოეთხოვება შესაბამის კომპანიებს ვინც მუშაობდა ამაზე“, - განაცხადა კახა კალაძემ ჟურნალისტებთან.

ცნობისთვის, ვაკის პარკში თამაშისას ბავშვებს ბურთი შადრევანში ჩაუვარდათ, მის ამოსაღებად მასში ჩასულ ორ არასრულწლოვანს კი დენმა დაარტყა.

შინაგან საქმეთა სამინისტრომ მომხდარზე გამოძიება სსკ-ის 240-ე პრიმა მუხლის 1-ელი ნაწილით დაიწყო, რაც ობიექტზე უსაფრთხოების წესების დარღვევას გულისხმობს, რამაც ჯანმრთელობის ნაკლებად მძიმე ან მძიმე დაზიანება გამოიწვია.