თბილისის მერი კახა კალაძე მათემატიკის პედაგოგს, ეკატერინე ბადადგულოვას ოჯახში ესტუმრა და 100 წლის იუბილე მიულოცა. პედაგოგთან სტუმრობის ამსახველი ფოტოები კახა კალაძემ სოციალურ ქსელში გამოაქვეყნა. 

“მინდა, მოგილოცოთ 100 წლის იუბილე, რომლის უკან დგას თავდაუზოგავი შრომა. ალბათ იყო სირთულეებიც, მაგრამ არაფერია იმაზე დიდი ბედნიერება, როდესაც შრომას მოაქვს შედეგი. ეს შედეგი კი თქვენ მიერ აღზრდილი არაერთი თაობაა, რომელთა ცხოვრებაშიც მნიშვნელოვანი კვალი დატოვეთ. გისურვებთ ჯანმრთელობას და კიდევ დიდხანს სიცოცხლეს!”, წერს თბილისის მერი.

ეკატერინე ბადადგულოვამ თბილისის N118 სკოლაში მათემატიკის მასწავლებლად 50 წელი იმუშავა.