კატარში მიმდინარე მსოფლიო ჩემპიონატის გაშუქებისას კიდევ ერთი ჟურნალისტი გარდაიცვალა, ამის შესახებ ინფორმაციას ყატარის გამოცემა gulf-times ავრცელებს.

„ტელეკომპანია Al Kass-ის ფოტოჟურნალისტი ხალიდ ალ-მისლამი ცოტა ხნის წინ გარდაიცვალა. ალ-მისლამი 2022 წლის მსოფლიო ჩემპიონატის გაშუქებისას მოულოდნელად გარდაიცვალა ყატარში. ჩვენ გვჯერა ალაჰის წყალობისა და პატიების და ღრმა მწუხარებას ვუცხადებთ მისი ოჯახს. ჩვენ ყველა ალაჰს ვეკუთვნით და მას ვუბრუნდებით“, - ნათქვამია gulf-times-ში გამოქვეყნებულ ინფორმაციაში. გარდაცვალების მიზეზებზე გამოცემა არაფერს წერს.

როგორც ცნობილია, 2 დღის წინ, კატარში, 49 წლის ამერიკელი ჟურნალისტი, გრანტ უოლი გარდაიცვალა.