საფრანგეთის საგარეო საქმეთა მინისტრის ჟან-ნოელ ბაროს განცხადებით, საფრანგეთი შეშფოთებულია კარიბის ზღვის აუზში აშშ-ის მიერ განხორციელებული სამხედრო ოპერაციებით, რადგან ისინი საერთაშორისო სამართალს არღვევს.

„ჩვენ შეშფოთებით ვაკვირდებით კარიბის ზღვის რეგიონში მიმდინარე სამხედრო ოპერაციებს, რადგან ისინი საერთაშორისო სამართალის დარღვევას წარმოადგენს და მოიცავს იმ ტერიტორიებს, სადაც საფრანგეთი იმყოფება თავისი საზღვარგარეთის ტერიტორიების მეშვეობით, სადაც მილიონზე მეტი ჩვენი თანამემამულე ცხოვრობს. ამიტომ, ცხადია, გვსურს ნებისმიერი ესკალაციით გამოწვეული არასტაბილურობის თავიდან აცილება“, - განაცხადა ბარომ კანადაში გამართულ „დიდი შვიდეულის“ საგარეო საქმეთა მინისტრების სამიტზე. 

აშშ-ის სამხედროებმა კარიბის ზღვის აუზსა და ლათინური ამერიკის წყნარი ოკეანის სანაპიროებთან ნარკოტიკებით დატვირთული გემები ამ დროისთვის, სულ მცირე, 19-ჯერ დაბომბეს, რასაც 76 ადამიანის სიცოცხლე ემსხვერპლა.

ვენესუელის პრეზიდენტმა არაერთხელ განაცხადა, რომ აშშ-ის სამხედრო ძალების გაძლიერება მისი ხელისუფლებიდან დამხობას ისახავს მიზნად.