კარგი იქნება, სააკაშვილმა პენიტენციურ სამსახურს მისი კვების რაციონის გასაჯაროების უფლება მისცეს

კარგი იქნება, სააკაშვილმა პენიტენციურ სამსახურს მისი კვების რაციონის გასაჯაროების უფლება მისცეს - წულუკიანი

03/11/2021

19:58

პოლიტიკა

A-

„არ მგონია, რომ მიხეილ სააკაშვილს ეყოფა გამბედაობა იმისთვის, რომ მისცეს პენიტენციურ სამსახურს უფლება მისი პირადი მონაცემების გასაჯაროების“, - ამის შესახებ ვიცე-პრემიერმა თეა წულუკიანმა ექსპრეზიდენტის შიმშილობის საკითხთან დაკავშირებით განაცხადა.

მისი თქმით, პირად მონაცემებში იგულისხმება მიხეილ სააკაშვილის კვების რაციონიც და კარგი იქნება, თუ ექსპრეზიდენტი საზოგადოებას სიმართლეს ეტყვის.

„ამაში იგულისხმება მისი კვების რაციონი, ასევე ის რეჟიმი, რომელიც მას აქვს და კარგი იქნება თუ ის თავის თავში იპოვის ამ ძალას და საზოგადოების იმ ნაწილს, რომელიც მისი მდგომარეობით არის შეწუხებული, სიმართლეს ეტყვის“, - აღნიშნა თეა წულუკიანმა.

როგორც მან აღნიშნა, პენიტენციური სამსახურის მხრიდან ყველა პატიმრის უფლებები დაცულია.

618