თბილისის მერი კახა კალაძე დედაქალაქის ქუჩებში განთავსებულ პლაკატებზე აცხადებს, რომ ეს მიზანმიმართულად ხდება, "როგორც ერთი, ასევე მეორე მხრიდან", მერიას ნებართვა არ გაუცია და კანონდამრღვევები დაჯარიმდებიან.

„მსგავსი ბანერები ქუჩებში უამრავია. რა თქმა უნდა, თბილისის მერია ამაზე ნებართვებს არ გასცემს. მიზანმიმართულად ხდება ამ ბანერების გაკვრა, როგორც ერთი, ასევე მეორე მხრიდან. კანონი მოქმედებს ასეთ შემთხვევაში. როგორც კი კონკრეტული კანონდამრღვევები გამოვლინდებიან, კანონის შესაბამისად დაჯარიმდებიან. რა თქმა უნდა, საუბარია ორივე მხარეზე, ვინც ბანერები განათავსა“, - ამბობს კალაძე.

შეგახსენებთ, რომ თბილისში, ბოლო დღეებში, აქტიურად გამოჩნდა “გამჭვირვალობის შესახებ” კანონპროექტის როგორც  მხარდამჭერი, ისე საწინააღმდეგო შინაარსის პლაკატები.