კანის 76-ე საერთაშორისო კინოფესტივალის კინობაზრობაზე სააგენტომ „აწარმოე საქართველოში“ ეროვნულ კინოცენტრთან ერთად, საქართველოს პავილიონი მოაწყო. სტუმრებს, შესაძლებლობა აქვთ გაეცნონ საქართველოს ტერიტორიაზე აუდიო-ვიზუალური პროდუქციის წარმოების პირობებს და მიიღონ ინფორმაცია სააგენტოს პროგრამა „გადაიღე საქართველოში“ შესახებ.

ასევე „აწარმოე საქართველოში“ ხელშეწყობით კანის კინოფესტივალზე ორი ქართული ფილმის მარკეტ-ჩვენება გაიმართება. 22 მაისს ფესტივალის მაყურებელი ნანა ჯანელიძის ფილმს „იარე, ლიზა“ და ირინე ჟორდანიას „ჰაერი ლურჯი აბრეშუმია“ იხილავს.