გულწრფელად ვამბობ, საერთაშორისო პლატფორმებზე ყველა მნიშვნელოვანი გადაწყვეტილების დროს საქართველო იდგა იქ, სადაც სჭირდებოდა უკრაინას და უკრაინელ ხალხს, – განაცხადა თბილისის მერმა კახა კალაძემ უკრაინის მხარდაჭერასთან მიმართებაში საქართველოს კრიტიკასთან დაკავშიერებით.

მისი თქმით, საქართველომ უკრაინის უამრავი მოქალაქე მიიღო, დახმარების ხელი გაუწოდა და მომავალშიც ასე იქნება.

„გარდა ამისა, უამრავი ადამიანი შემოვიდა საქართველოში. დაყვედრებასავით არ მინდა, გამომივიდეს, მაგრამ ყველანაირად გვერდით დავუდექით, ხელი შევუწყვეთ ამ ადამიანებს და მომავალშიც ასე იქნება, სხვანაირად ვერ წარმომიდგენია. ეს უნდა გაიგოს და იცოდეს ყველამ, რომ ჩვენ გადავდგით ისეთი ნაბიჯები, რომელიც, ვფიქრობ, ხელშემწყობი იყო მათი ხალხისთვის და ქვეყნისთვის“, – განაცხადა კახა კალაძემ.