ავსტრალიელმა პოპ-ვარსკვლავმა კაილი მინოუგმა ათწლეულზე მეტი ხნის განმავლობაში ყველაზე მასშტაბური მსოფლიო ტურნეს, სახელწოდებით Tension, გამართვა დააანონსა.

როგორც ცნობილია, მომღერლის ახალი ალბომის Tension II-ის 13 სიმღერა 18 ოქტომბერს გამოვა. მინოუგი მსოფლიო ტურნეს თებერვალში, ავსტრალიაში დაიწყებს, შემდეგ კი - აზიასა და დიდ ბრიტანეთში გაემგზავრება. 

„მოუთმენლად ველი, რომ მთელ მსოფლიოში ჩემს გულშემატკივრებს ლამაზი წუთები გავუზიარო!’’ - განაცხადა მინოუგმა ტურნეზე საუბრისას.

56 წლის მომღერალმა, თებერვალში, პირველად 20 წლის შემდეგ, მეორე გრემი მოიპოვა, ხოლო მომდევნო თვეში - Brits' Global Icon Award-ი.