საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი კაია კალასი დაუშვებლად მიიჩნევს „დიდ რვიანში“ რუსეთის დაბრუნებას. ამის შესახებ მან BBC Radio 4-ის გადაცემაში ისაუბრა.

„ჩვენ ვერ დავუბრუნდებით საქმიანობას, როგორც ჩვეულებრივ, როგორ წარმოგიდგენიათ ეს?“, – აღნიშნა კაია კალასმა.

რაც შეეხება უკრაინაში ომის დასრულების გეგმას, ევროკავშირის უმაღლესმა წარმომადგენელმა განაცხადა, რომ საბოლოო სამშვიდობო გეგმამ შეუძლებელი უნდა გახადოს რუსეთისთვის ხელახალი ინტერვენცია.

„თუ გვსურს, რომ ეს საბოლოოდ დასრულდეს, ჩვენ ნამდვილად გვჭირდება დათმობები რუსეთის მხრიდან“, -თქვა მან.

მისი თქმით, ასეთი მიდგომა მოითხოვს რუსეთისგან საერთაშორისო შეთანხმებების პატივისცემას და შეიარაღებული ძალების შემცირებას.