ВЧК-ОГПУ-ს წყაროზე დაყრდნობით ტელეგრამ არხზე წერს, რომ რამზან კადიროვმა ჯანმრთელობის მკვეთრი გაუარესება რესპუბლიკის ჯანდაცვის ყოფილ მინისტრს ელხან სულეიმანოვს დააბრალა, რომელიც ჩეჩნეთის ვიცე-პრემიერის პოსტს იკავებდა. ის აღარავის უნახავს (აბსოლუტურად ყველა ამბობს, რომ ის აღარ არის ცოცხალი და რომ ის წამებით გარდაიცვალა).
        
ВЧК-ОГПУ-ს რამდენიმე თანამოსაუბრემ, რომელიც იცნობს სიტუაციას, თქვა, რომ როდესაც კადიროვის ჯანმრთელობა მკვეთრად და მოულოდნელად გაუარესდა, ჩეჩნეთის ხელმძღვანელის გარემოცვამ დაიწყო მისი დარწმუნება, რომ ის მოწამვლის მსხვერპლი გახდა. თავად კადიროვს სჯეროდა ამავე ვერსიას და მან თავისი რისხვა სულეიმანოვისკენ მიმართა.

წყაროს ცნობით, სულეიმანოვმა პირადად გაუკეთა კადიროვს რამდენიმე ინექცია და მან გადაწყვიტა, რომ ჯანმრთელობის გაუარესება ამის გამო დაეწყო. შედეგად, ის 2022 წლის ოქტომბერში, ღამით მოხსნეს ვიცე-პრემიერის პოსტიდან და მას შემდეგ აღარ უნახავთ.

სულეიმანოვის ინსტაგრამის გვერდზე ბოლო პოსტი 2022 წლის ოქტომბრით თარიღდება. სულეიმანოვი ადრე ხშირად ჩნდებოდა მოსკოვის საგანმანათლებლო და სამედიცინო დაწესებულებებში, მაგრამ ის ასევე, თითქმის, ერთი წლის განმავლობაში არ უნახავთ იქ. 
        
რესპუბლიკაში ВЧК-ОГПУ-ს თანამოსაუბრეები ამბობენ, რომ სულეიმანოვი არავის უნახავს 2022 წლის ოქტომბრის შემდეგ და საუბრობენ, რომ ის სასტიკად მოკლეს და ცოცხლად დამარხეს მიწაში.

„თუ კადიროვი ნამდვილად ეჭვობდა სულეიმანოვზე, მაშინ ნაკლებად სავარაუდოა, რომ ის ცოცხალი ვიხილოთ. თუ სხვა რამეზეა საუბარი, შეიძლება ტყვეობაში იყოს და კამერაზე აჩვენონ“, - ამბობს ტელეგრამარხთან თანამოსაუბრე.