ჩეჩნეთის ლიდერმა რამზან კადიროვმა რუს გუბერნატორებს მოუწოდა ომში დაღუპულთა რიცხვი აღარ დაასახელონ. 

„რეგიონების ლიდერები გამოდიან და „სპეცოპერაციაში“ დაღუპულთა რიცხვს ასახელებენ. კითხვა მაქვს. რატომ? ისინი ყველაფერს დეტალებში წერენ.  ჩეჩნებიც კარგავენ თავიანთ შვილებს, მაგრამ ამის ნაცვლად ჩვენ ვსაუბრობთ იმაზე, როგორ დავეხმაროთ მათ ოჯახებს. მებრძოლის გარდაცვალების შემთხვევაში მილიონი რუბლით ვეხმარებით, ტრავმის შემთხვევაში 500 ათასით“, - აცხადებს რამზან კადიროვი.

შეგახსენებთ, უკრაინული მხარის ინფორმაციით, გასული წლის 24 თებერვლის შემდეგ რუსეთმა უკრაინაში ჯამში 139 ათასზე მეტი ჯარისკაცი დაკარგა.