ჩეჩნეთის მეთაური რამზან კადიროვი და ოკუპირებული აფხაზეთის დე ფაქტო საგარეო საქმეთა მინისტრი ინალ არძინბა გროზნოში შეხვდნენ.

როგორც აფხაზური მედია იუწყება, არძინბამ კადიროვს დე ფაქტო პრეზიდენტ ასლან ბჟანიასგან “თბილი სურვილები” გადასცა.

დე ფაქტო მინისტრი გროზნოში უკრაინაში ე.წ. სპეციალური სამხედრო ოპერაციის წლისთავთან დაკავშირებით ჩავიდა. (აფხაზური და ე.წ. სამხრეთის ოსეთის მედია უკრაინის წინააღმდეგ რუსეთის ომს „სპეციალურ სამხედრო ოპერაციას“ უწოდებს.) 

არძინბა სპეცრაზმ „ახმატის“ მეთაურს, რუსეთის გმირს აფთი ალაუდინოვს, „სპეცოპერაციის“ მონაწილეებსა და ვეტერანებსაც შეხვდა. ოკუპირებული რეგიონის დე ფაქტო მინისტრმა  „სპეციალური სამხედრო ოპერაციის“ მიზნების სწრაფად მიღწევა ისურვა.