ფემიციდის შემთხვევა მარნეულში - სოფელ სადახლოში კაცმა ცოლი მოკლა, შვილი კი, რომელმაც მისთვის წინააღმდეგობის გაწევა და დედის დახმარება სცადა, დაჭრა.

როგორც თანასოფლელები ამბობენ, კაცს ფსიქოლოგიური პრობლემები ჰქონდა და კონფლიქტი იმან გამოიწვია, რომ ცოლმა მას წამლების დალევა შეახსენა.

"ძა­ლი­ან მძი­მე ამ­ბა­ვია. მა­მა­კაცს ჰქო­ნია ბოლო დროს ფსი­ქი­უ­რი პრობ­ლე­მე­ბი, ად­რეც მკურ­ნა­ლობ­და. რამ­დენ­ჯერ­მე უთ­ქვამს ცო­ლის­თვის ჩვენ ერთ დღეს ერ­თად მოვ­კვდე­ბი­თო, მაგ­რამ აბა რას წარ­მო­იდ­გენ­და ქალი, რომ მას ქმა­რი მოკ­ლავ­და. მა­მა­კაცს თირკმელ­ზე აქვს პრობ­ლე­მა, კლი­ნი­კა­ში იწვა, მკურ­ნა­ლობ­და. გა­და­წყდა თურ­მე, რომ ამ რამ­დე­ნი­მე დღე­ში მის­თვის ოპე­რა­ცია ჩა­ე­ტა­რე­ბი­ნათ. სა­ო­პე­რა­ცი­ოდ ემ­ზა­დე­ბო­და, ამი­ტომ ექი­მებ­მა ცოტა ხნით სახ­ლში გა­მო­უშ­ვეს. და­ნიშ­ნუ­ლი იყო ოპე­რა­ცი­ის დღე და უკან, კლი­ნი­კა­ში უნდა დაბ­რუ­ნე­ბუ­ლი­ყო. თუმ­ცა მან ეს შემ­ზა­რა­ვი და­ნა­შა­უ­ლი ჩა­ი­დი­ნა. და­ნით მოკ­ლა ცოლი. შემ­თხვე­ვას მათი 28 წლის შვი­ლი შე­ეს­წრო, ეტყო­ბა მან გვი­ან ნახა რომ და­ნით უკ­ლავ­და მამა დე­დას. ბიჭი შე­ე­ცა­და დედა გა­და­ერ­ჩი­ნა, მის დახ­მა­რე­ბას ცდი­ლობ­და, მა­მას წი­ნა­აღ­მდე­გო­ბას უწევ­და, მაგ­რამ სამ­წუ­ხა­როდ ვე­ღარ უშ­ვე­ლა. რო­გორც მი­თხრეს, შვილ­საც აქვს ცოტა და­ზი­ა­ნე­ბე­ბი მი­ყე­ნე­ბუ­ლი. ქალი ად­გილ­ზე გარ­და­იც­ვა­ლა. რო­გორც ამ­ბო­ბენ, ღრმა ჭრი­ლო­ბა იყო. შემ­თხვე­ვის ად­გილ­ზე დიდ­ხანს მუ­შა­ობ­დნენ სა­მარ­თალ­დამ­ცა­ვე­ბი. მათი ნა­თე­სა­ვი ამ­ბობს, დამ­ნა­შა­ვე მა­მა­კა­ცი შემ­თხვე­ვის ად­გი­ლი­დან კლი­ნი­კა­ში გა­და­იყ­ვა­ნე­სო, თუმ­ცა ში­ნა­გან საქ­მე­თა სა­მი­ნის­ტრომ უკვე და­ა­დას­ტუ­რა მისი და­კა­ვე­ბა", - ამ­ბობს სა­მი­რა ბა­ი­რა­მო­ვა.

შსს-მ ბრალდებული უკვე დააკავა. გამოძიება სსკ-ის 11 პრიმა 109-ე მუხლით მიმდინარეობს, რაც ოჯახის წევრის განზრახ მკვლელობას გულისხმობს.

დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

საქართველოს პროკურატურამ მარნეულის მუნიციპალიტეტში მომხდარი განზრახ მკვლელობის ფაქტზე ერთ პირს ბრალდება წარუდგინა.