ევროკავშირის უმაღლესმა წარმომადგენელმა საგარეო და უსაფრთხოების პოლიტიკის საკითხებში ჟოზეფ ბორელმა კიევში წევრი ქვეყნების საგარეო საქმეთა მინისტრების შეხვედრის შესახებ განაცხადა.

ამის შესახებ მან ნიუ-იორკში გაერო-ს გენერალურ ასამბლეაში მონაწილეობის ფარგლებში ევროკავშირის ქვეყნების საგარეო საქმეთა მინისტრების შეხვედრის შემდეგ გამართულ პრესკონფერენციაზე განაცხადა.

მისი თქმით, მინისტრთა შეხვედრის ერთ-ერთი პუნქტი არის მომავალი უსაფრთხოების ვალდებულებები უკრაინის წინაშე რუსეთის ფედერაციის აგრესიული ომის კონტექსტში.

„მე დავდე მაგიდაზე რამდენიმე წინადადება, რომელთა განხილვასაც მინისტრები გააგრძელებენ, ასევე იმ შეხვედრის მომზადებისთვის, რომელიც გაიმართება კიევში უახლოეს კვირებში“, - თქვა ბორელმა.