იტალიის პრემიერ-მინისტრი ჯორჯია მელონი აშშ-ს, ევროპულ ქვეყნებსა და მოკავშირეებს შორის სამიტის დაუყოვნებლივ გამართვის ინიციატივით გამოდის. ამის შესახებ მელონიმ თეთრ სახლში აშშ-ის პრეზიდენტის, დონალდ ტრამპისა და უკრაინის პრეზიდენტის, ვოლოდიმირ ზელენსკის დაძაბული შეხვედრის შემდეგ განაცხადა.

მელონის თქმით, სამიტზე უნდა განიხილონ, თუ როგორ უნდა გაუმკლავდნენ დიდ გამოწვევებს, უკრაინის საკითხით დაწყებული.

„დასავლეთის დაყოფა ყველა ჩვენგანს გვასუსტებს და სარგებლის მომტანია მათთვის, ვისაც ჩვენი ცივილიზაციის დაცემის ხილვა სურს“, – ნათქვამია მელონის განცხადებაში.