ლეგენდარულმა კალათბურთელმა მაიკლ ჯორდანმა გაიმარჯვა გამოკითხვაში ყველა დროის საუკეთესო სპორტსმენის გამოსავლენად.

ანალიტიკურმა კომპანია Morning Consult-მა ჩაატარა გამოკითხვა გულშემატკივრებს შორის იმის გასარკვევად – ვინ არის უდიადესი სპორტსმენი ისტორიაში.

ხმების ყველაზე დიდი რაოდენობა „ჩიკაგო ბულზის“ ლეგენდამ მაიკლ ჯორდანმა მიიღო – 19 პროცენტი. მეორე ადგილი დაიკავა NFL-ის შვიდგზის ჩემპიონმა ტომ ბრეიდიმ – 12 პროცენტი. მხოლოდ მათ მიიღეს ხმების 10 პროცენტზე მეტი.

გამოკითხვის საბოლოო შედეგი:

მაიკლ ჯორდანი (კალათბურთი) – 19%
ტომ ბრეიდი (ამერიკული ფეხბურთი) – 12%
მოჰამედ ალი (კრივი) – 8%
ბეიბ რუთი (ბეისბოლი) – 7%
კობი ბრაიანტი (კალათბურთი) – 5%
ლებრონ ჯეიმსი (კალათბურთი) – 4%
ჯიმ ტორპი (მძლეოსნობა) – 4%
ლიონელ მესი (ფეხბურთი) – 3%
პელე (ფეხბურთი) – 3%
სერენა უილიამსი (ჩოგბურთი) – 3%

ჰოკეის ეროვნული ლიგის (NHL) ისტორიაში საუკეთესი სნაიპერმა უეინ გრეტცკიმ 11-16 ადგილები გაიყო ტანმოვარჯიშე სიმონა ბაილსთან, გოლფისტ ტაიგერ ვუდსთან, მოცურავე მაიკლ ფელპსთან, ტანმოვარჯიშე ჯესი ოუენსთან, აგრეთვე ბო ჯექსონთან, რომელიც ბეისბოლსა და ამერიკულ ფეხბურთს თამაშობდა.