ჯო ბაიდენი აცხადებს, რომ TikTok-ის აკრძალვის კანონპროექტს ხელს მოაწერს, თუ კონგრესი მას დაამტკიცებს.
„თუ ისინი ამას მიიღებენ, მე ხელს მოვაწერ“, - განაცხადა ჯო ბაიდენმა TikTok-ის აკრძალვის კანონპროექტის შესახებ.
აშშ-ის წარმომადგენელთა პალატის ენერგეტიკისა და ვაჭრობის კომიტეტმა ჩინურ კომპანია ByteDance-ს მოუწოდა, რომ TikTok-ზე უარი თქვას, ან აშშ-ში საქმიანობა აეკრძალება.
ჩინური სოციალური ქსელის აკრძალვის კანონპროექტს მხარს წარმომადგენელთა პალატის სპიკერი, მაიკ ჯონსონიც უჭერს.
აშშ-ის ყოფილმა პრეზიდენტმა, დონალდ ტრამპმა განაცხადა, რომ იგი TikTok-ის აკრძალვას ეწინააღმდეგება, რადგან ეს ნაბიჯი კონკურენტ სოციალურ ქსელს „ფეისბუქს“ დაეხმარება.
გასულ თვეში ცნობილი გახდა, რომ ბაიდენი საარჩევნო კამპანიისთვის, „ტიკ-ტოკს“ გამოიყენებს, მიუხედავად იმისა, რომ მან არაერთხელ გამოთქვა შეშფოთება ამ პლატფორმის უსაფრთხოებასთან დაკავშირებით და აკრძალა მისი გამოყენება ფედერალურ მოწყობილობებზე.
0
0
