საპროტესტო აქციებზე დაკავებული მოქალაქეებისთვის კანონიერი დახმარების გაწევა დანაშაული არ არის, – ამის შესახებ ამერიკელი სენატორი ჯინ შაჰინი სოციალურ ქსელში წერს.

როგორც შაჰინი აღნიშნავს, კვლავ საქართველოს ხალხის გვერდით დგას.

„საპროტესტო აქციებზე დაკავებული მოქალაქეებისთვის კანონიერი დახმარების გაწევა დანაშაული არ არის. ისევე, როგორც ეს არ არის „საბოტაჟი სახელმწიფოს წინააღმდეგ“. მე კვლავ ვდგავარ საქართველოს ხალხის და სამოქალაქო საზოგადოების იმ წევრების გვერდით, რომლებიც ქვეყნის დემოკრატიის შენარჩუნებას ცდილობენ“, – წერს შაჰინი.

ცნობისთვის, პროკურატურაში მიმდინარე გამოძიების ფარგლებში რამდენიმე არასამთავრობო ორგანიზაციის საბანკო ანგარიშებს ყადაღა დაედო.