ბოლო რამდენიმე კვირაა, არ წყდება საუბარი ჯენიფერ ლოპესისა და ბენ აფლეკის დაძაბული ურთიერთობის შესახებ. წყვილი პაპარაცებმა გაცხარებული კამათის პროცესში უკვე არაერთხელ გადაიღეს. ყოველივე ამის ფონზე, ბენი ყოფილ ცოლთან, ჯენიფერ გარნერთან სეირნობის დროს დააფიქსირეს. ყოფილი მეუღლეები ლოს-ანჯელესის ქუჩებში აუჩქარებლად მიაბიჯებდნენ და მშვიდად საუბრობდნენ. ინფორმაციას უცხოური მედია ავრცელებს.

ბუნებრივია, ფოტოებს დიდი აჟიოტაჟი მოჰყვა, თუმცა საზოგადოებისთვის კარგად არის ცნობილი ის ფაქტი, რომ ისინი განქორწინების შემდეგ კარგ მეგობრებად დარჩნენ, მათ სამი შვილი ჰყავთ. მედიის ცნობით, ბენმა და მისმა ყოფილმა მეუღლემ, 11 წლის სემუელი სკოლაში ერთად მიიყვანეს.