აშშ-ის ვიცე-პრეზიდენტმა, ჯეი დი ვენსმა ჩარლი კირკის ხსოვნისადმი მიძღვნილ ღონისძიებაზე სიტყვით გამოსვლისას მკაცრად გააკრიტიკა ის ადამიანები, ვინც კონსერვატიული აქტივისტის მკვლელობას ზეიმობდა ან მის სიკვდილს ამართლებდა.

„მისი მკვლელობის შემდეგ ჩვენ ვიხილეთ კაცობრიობის ყველაზე უარესი მხარეები. ვუყურებდით, როგორ ცილს სწამებდნენ მას. ვუყურებდით, როგორ ამართლებდნენ მის მკვლელობას და ზეიმობდნენ მის სიკვდილს“, - აღნიშნა აშშ-ის ვიცე-პრეზიდენტმა.

„ვიცი, რომ ეს გაბრაზებთ, ისევე როგორც მე გამაბრაზა, მაგრამ ასეთ მომენტებში ადვილია, მხოლოდ ყველაზე უარესი დაინახო ადამიანებში“, — დასძინა მან.