მწერალს, ეროვნული ბიბლიოთეკის დირექტორს, გიორგი კეკელიძეს ანდერძით გალაქტიონ ტაბიძის წიგნი დაუტოვეს.

"ეს მეოცე საუკუნის ყველაზე მნიშვნელოვანი ქართული პოეტური კრებულის ორიგინალია. გალაკტიონ ტაბიძე -  ,,თავის ქალა არტისტული ყვავილებით" - 1919 წელი. დღეს მაჩუქა ეროვნული ბიბლიოთეკის თანამშრომელმა, ნინო გედენიძემ. ემოციური გამოდგა ჩუქების ამბავი: დედამისი ახლახან გარდაიცვალა. ჩვენი საქმეების გულშემტკივარი გახლდათ და ეს წიგნი დაუტოვებია ჩემთვის ზეპირ ანდერძში. შესაბამისად - იყო ცრემლიც და გაოცებაც. დიდი საჩუქარია", - წერს კეკელიძე.